Məşhur amerikalı aktyor, komediyaçı, prodüser, reper və bəstəkar Uil Smit Formula 1 Qatar Airways Azərbaycan Qran Prisi 2024 çərçivəsində sentyabrın 13-də Bakıda konsert ilə çıxış edəcək.

Bakı Şəhər Halqası Əməliyyat Şirkəti (BŞH) Akademiya Mükafatları, Britaniya Kino və Televiziya Sənəti Akademiyasının mükafatı, Qremmi və Qızıl Qlobus kimi nüfuzlu mükafatların laureatı Uil Smitin Azərbaycan Qran Prisi həftəsonu Crystal Hall-da konsert ilə çıxış edəcəyini açıqlayıb. #AzerbaijanGP-nin tribunalarına bilet əldə etmiş şəxslər konsertdə pulsuz iştirak edə biləcəklər.

Uil Smith karyerasına reper kimi başlamış və televiziya şousunda debut edərək geniş tanınmağa nail olmuşdur.  Daha sonra o, "Müstəqillik günü", "Qara geyimli adamlar", "Əli" və " Xoşbəxtlik Uğrunda Mübarizə" kimi görkəmli filmlərdə rol alaraq uğurlu kino karyerasının təməlini qoymuşdur. Müxtəlif istedadları və xarizması ilə seçilən Smit çoxsaylı mükafatlar qazanmış və Hollivudun ən məşhur ulduzlarından birinə çevrilmişdır.

Biletləri www.bakucitycircuit.com saytından, rəsmi mobil tədbiqimizdən və şəhərimizin kassalarından əldə etmək olar.