Bakı Şəhər Halqası Əməliyyat Şirkəti tərəfindən 16 fevral 2016-cı ildə təsis olunmuş Bakı Marşal Klubunun əsas məqsədi, marşallıq hərəkatını genişləndirmək, marşallar arasında ünsiyyət, komanda ruhunu və ölkəmizdə bu məşğuliyyət növünə marağı inkişaf etdirməklə güclü əlaqələr və qarşılıqlı münasibətlər yaratmaqdır.

“Bakı Marşal Klubu”, həmçinin, brendləşmə, promo, müxtəlif tədbirlərin təşkili, yerli və xarici marşallarla ünsiyyətin inkişaf etdirilməsi və Bakı Marşal Mərkəzinin faəliyyətinin həyata keçirilməsinə cavabdehlik daşıyır.

Bakı Marşal Klubunun üzvləri Bakıda təşkil olunumuş Formula 1 Azərbaycan Qran Prisində aktiv şəkildə iştirak etməklə yanaşı, müxtəlif ölkələrdə keçirilən yarışlarda iştirak edir

21 yaşından yuxarı hər kəs marşal ola bilər. Bunun üçün sizdə xüsusi bacarıqların olması vacib deyil, əsas olan yarışın bir hissəsi olmaq arzusu və bir də özünüqoruma instinktidir, çünki təhlükəsizlik marşal işində ən vacib elementdir.