Formula 1 Qatar Airways Azərbaycan Qran Prisi 2025-də Könüllü olun!

Qeydiyyat başladı.

Bakı Şəhər Halqası (BŞH) Əməliyyat Şirkəti 10 aprel tarixindən etibarən Formula 1 Qatar Airways Azərbaycan Qran Prisi 2025-in könüllü proqramına qeydiyyatın başladığını elan edir. Tədbirin təşkilində iştirak etmək istəyən, motivasiyalı, ünsiyyət bacarıqları yüksək, komanda ilə işləmə bacarığı olan və s. namizədlər könüllü proqramına qoşula bilərlər.

Formula 1 könüllüsü olmaq nə qazandırır?

• Avtomobil idmanı sahəsinin peşakarları ilə bir arada olmaq, yeni dostlar qazanmaq
• Komanda təcrübəsi əldə etmək və şəxsi inkişaf üçün unikal imkanlar
• Formula 1 həyəcanını yaxından hiss etmək və beynəlxalq tədbirin bir parçası olmaq
• BCC Akademiyanın təşkil etdiyi müxtəlif təlimlərdə iştirak etmək
• Könüllü olmaq istəyənlərin minimum yaş həddi 16-dır.

Qeyd edək ki, 2024-cü ildə 16 mindən çox müraciət daxil olmuş və onların arasından 2000 könüllü seçilmişdi. Azərbaycan Qran Prisinə artan maraq səbəbi ilə bu il də müraciətlərin yüksək olması gözlənilir, bu şansı qaçırmayın!

Qeydiyyatdan necə keçmək olar?

Qeydiyyat üçün link: http://volunteers.bakucitycircuit.com/#/login

Əlavə məlumat üçün əlaqə: +994 12 404 13 83

19-21 sentyabr tarixlərində baş tutacaq Formula 1 Qatar Airways Azərbaycan Qran Prisi 2025-də unudulmaz bir təcrübə qazanmaq üçün mükəmməl fürsəti qaçırmayın. Elə indi qeydiyyatdan keçin!